Դեսպանի առցանց դասախոսությունն Արցախի դեմ ադրբեջանաթուրքական ագրեսիայի վերաբերյալ

28 փետրվարի, 2021

Փետրվարի 28-ին դեսպան Տ․ Բալայանը հեռավար դասախոսությամբ հանդես եկավ նիդերլանդական մի շարք ԲՈւՀ-երի ուսանողների համար՝ անդրադառնալով Արցախի դեմ ադրբեջանաթուրքական վերջին ագրեսիային, դրա հետևանքով տարածաշրջանում ստեղվծած իրավիճակին, ղարաբաղյան հիմնահարցի ծագման պատճառներին և հակամարտության կարգավորման հնարավոր ուղիներին։

Դեսպան Բալայանը պատասխանեց ուղանողների բազմաթիվ հարցերի, որոնք վերաբերում էին մինչ օրս ղարաբաղյան խնդրի շուրջ բանակցային գործընթացին, այդ ուղղությամբ ԵՄ-ից և, հատկապես, Նիդերլանդներից ակնկալվող իրատեսական և արդյունավետ դերակատարության հնարավորությանը։

Ուսանողները, մասնավորապես, հետաքրքրված էին Հայաստանի և Ռուսաստանի հարաբերություններով, տարածաշրջանում անվտանգության ապահովման գործում Ռուսաստանի դերակատարությամբ։ Արձագանքելով դեսպան Բալայանը նշեց, որ Հայաստանն ու Ռուսաստանը կապված են ո՛չ միայն դաշնակցային հարաբերություններով և միևնույն ինտեգրացիոն համակարգով, այլև՝ խորը պատմական, մշակութային և տնտեսական կապերով, իսկ ադրբեջանաթուրքական վերջին անգրեսիան չհասավ իր վերջնական` հայերին Արցախից բնաջնջելու նպատակին` Ռուսաստանի գործողությունների շնորհիվ։

Ամփոփելով Հայաստանի դեսպանը շեշտեց, որ միայն միջազգային գործընկերների հետևողական ջանքերը կարող են կանխել իրավիճակի հետագա սրումը, քանի որ Ադրբեջանի ղեկավարը չի էլ թաքցնում նոր ագրեսիա սկսելու և Արցախն ամբողջությամբ հայաթափելու նպատակը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր